Ikasleen aurkezpenaren ostean, udal-gobernuko ordezkariek 2013ko ekainean
izandako foroan ikasleek egindako eskaerei erantzun diete, mugikortasun
iraunkorrarekin lotura dute arloen arabera banatuta:
BIDEGORRIAK:
2 planoren laguntzarekin, Aitor Kerejetak azalpenak eman ditu:
- Butroi pasealekua: proiektatuta dagoen bizikleta-bideetako bat da.
Oinezkoen eta bizikletaren erabiltzaileen arteko gatazkarik ez sortzeko,
Udaletik oraindik ez dute erabaki zein trazatu izango duen.
- Bidasoa ibilbidea: hau ere proiektatuta dagoen beste bidegorri zati bat
da.
- Donosti kalea: oraindik proiektuaren nondik norakoak definitu gabe daude.
- Gabarrari kaleko bidegorria duela gutxi amaitu zen (Irunerako bidean,
Erriberatik San Juan de Dioseko biribilgunera doana, hain zuzen)
- Aireportu ondoko bideko bizikleta-bidea: proiektua egina dago baina
Gipuzkoako Foru Aldundiari dagokio lanak aurrera eramatea. Bidegorri honek
biribilgunetik Amuterainoko zatia hartuko du. Errepidearen zabaltzen lanekin
amaitu ondoren, espaloia hobetu eta bidegorria eraikitzea aurreikusten du
Aldundiak. Hala ere, Udalak oraindik ez daki obra horiek noiz egingo diren.
- Mendeluko bidegorria aurten eraiki nahi du Udalak baina toki falta omen
dago. Proiektua aurten idatzi nahi dute baina arazoa da oinezkoen espaloia gaur
egun oso estua dela eta toki nahikorik ez dagoela bidegorri batentzako. Ildo
honetan, Udalaren asmoa da Zubimuxuko erreka desbideratzea eta Plaiaundiko
padura dagoen eremura eramatea (hau da, Alkain eta beste enpresak dauden
poligonoaren atzetik joango litzateke erreka). Hasiera batean behintzat, Eusko
Jaurlaritza ados dago aukera horrekin. Asmoa litzateke erreka desbideratu
ondoren, errekaren gaur egungo bidea estali eta hor gainetik bidegorria eta
oinezkoen bidea eraikitzea. Udalak aurten bertan gauzatu nahiko lituzke obrak
hasteko beharrezkoak diren izapideak (tramitazio administratiboa, eskumen duten
erakundeen oniritzia jasotzeko).
- Oraindik definitu gabe dauden herri-guneko eremu zehatzak: Udalaren
kezketako bat da nola lotu Labrederko bidegorria Kosta ondotik igarotzen den
zatiarekin. Udalaren ustez, ez da bideragarria Baserritar Etorbidetik bidegorria
eraikitzea. Horren ordez, beste aukera bat da Donostia kalean trazatua
eraikitzea baina alternatiba honek ere bere zailtasunak ditu. Izan ere,
aparkalekuak ezabatu beharko lirateke edo errepideak noranzko bakarra izatea
-aurten ikertuko du Udalak bigarren aukera hau-).
Garraio publikoaren arloari heldu aurretik, San José ikastetxeko irakasle
koordinatzaileak (Iñigo Ruiz) Euskotreneko zerbitzua Hondarribira iristeko
interesa agertu du. Hala ere, gai hau Eusko Jaurlaritzaren eskumena da.
GARRAIO PUBLIKOA:
- Udalak bilerak egiten jarraitzen du Ekialdebus enpresarekin (eskualdeko
autobus bidezko zein Donostia-Hondarribia autobus bidezko zerbitzuak ematen
dituen enpresa) eta Gipuzkoako Foru Aldundiarekin. Bilera horietan, Udalak
Hondarribiko herritarrei eragiten dieten zerbitzuak hobetzen jarraitzeko
proposamenak aurkezten ditu.
- Autobus geltokietako markesinak: Udalak Cemusa enpresa kontratatzen du
markesinen mantenu egokia bermatzeko. Behar den guztietan, geltokietako
informazioa eguneratzen da. Markesina guztietan estalpea jartzeari dagokionez,
3 geltoki dira herrian bus-zutabea dutenak (horietako 2 Portu auzoan) eta
Udalaren esanetan, horietan markesinarik eraikitzen ez bada horretarako toki
nahikorik ez dagoelako da.
ESPALOIAK ETA OINEZKOEN BIDEAK:
Plan Orokorraren idazketa garaian, Udalak Hondarribiko irisgarritasun plan
bat idatzi zuen eta bertan herrian hobetu beharreko zenbait puntu agertzen
ziren. Udal ordezkariek aipatutakoaren arabera, herrian obra berriak egiten
diren bakoitzean irisgarritasun irizpideak aintzat hartzen dira. Jada
eraikitako tokietan, aldiz, urtero Udala obra txikiak egiten joaten da (herriko
puntu beltzak ezabatzen joateko).
BIDE HEZIKETAKO SAIOAK
ESKOLETAN:
Txomin Sagarzazuk adierazi du saiatuko direla hiruhileko honetan proba
pilotu bat martxan jartzen eskoletan. Horrela, udaltzain bat joango da joango
da eskoletara eta bide-heziketako saio bat eramango du aurrera. Eskolek maila
bat aukeratu beharko dute eta saioaren planifikazioa Udalak egingo luke.
Ikasturte amaieran emaitzak baloratu eta hurrengo ikasturtean gai hau nola
antolatu erabakiko luke Udalak.
MOTORDUN IBILGAILUAK:
- Udalak ez du argi autoa partekatzeko egitasmoa nola jarri martxan.
- Motordun ibilgailuak Hondarribiko errepidetik doazenean abiadura
moteltzeko neurriak ezartzeko intentzioa agertu dute udal ordezkariek. Udalak
jada ezarri duen neurrietako bat da errepideak estutzearena eta beste aukera
posible bat da "30 Km/orduko eremuak" ezartzearena. Jada martxan den
beste neurri bat da radarrena (ezarritako abiadura maila gainditzen duten
herritarrei isuna bidaltzen zaie eta Udalak egiaztatu du horrela abiaduraren
mugak gehiago errespetatzen direla -oraingoz, Mendelun, Txiplaon eta Ramon
Iribarrenen daude radarrak jarrita-).
ESKOLARA OINEZ:
Aurki definituko ditu Udalak, Izadi 21ekin batera, eman daitezkeen pausoak.
MUGIKORTASUN ASTEA:
Udalak eskolekin koordinatu nahiko luke, egitarauan barneratzeko zenbait
ekintza zehazteko eta antolatzeko.
Foroari amaieran eman aurretik, eskoletako irakasleek beste ekarpen batzuk
egin dituzte:
Ø
Akartegiko
Garbigunera bisitak egiteko aukera izan nahi dute eskolek (Mankomunitateak
oraindik ez du baimentzen, segurtasun arrazoiengatik). Udal ordezkariek aipatu
dute beharrezko pausoak emango dituztela azpiegitura honetara eskolek joateko
aukera izan dezaten (ikustera eta azalpenak jasotzera -zertarako den, zer
nolako hondakinak biltzen diren bertan, etab.-)
Ø
Ostalaritza
establezimenduek Butroi pasealekuaren erdia hartzen dute, eta beste erdia
oinezkoek eta bizikletek konpartitu behar dute. Alkateak aipatu du, establezimenduen
barnean erretzea debekatzen duen legea indarrean jarri zenean, terrazak ere
kanpoan jartzen hasi zirela, bezeroek kontsumitzen zuten bitartean erretzeko
aukera izateko. Honi lotuta, badirudi pasealekua okupatzeko baimena Costas-ek
eman duela (Espainiako Gobernua) eta tabernek eta jatetxeek tasa bat ordaintzen
diotela Costas-i. Udalak ere uste du gehiegizkoa gertatzen dela egungo egoera
eta Costas-ekin harremanetan jartzeko asmoa duela adierazi du Alkateak.
Ø
Marinako
eskailera mekanikoei dagokionez, asteburuetan, gauez, eskailerak beranduago
ixteko aukera planteatu da. Udalak adierazi du eskailerak zerbitzutik kanpo
uztearen arrazoia segurtasuna dela (23:00ak arte erabili daitezke).
No hay comentarios:
Publicar un comentario